Денешното општество е дигитално до таа мера што наоѓање активности за деца надвор од светот на технологијата станува се потешко. Факт е дека не можеме да го негираме влијанието на современата технологија врз помладата генерација. Па тогаш зошто да не ја искористиме за нивно добро? Програмирањето за деца со Scratch e одличен прв чекор!
Ако твоето дете е опседнато со онлајн игри и забавни апликации, тогаш време е да му ја покажеш корисната страна на дигиталниот свет. Менувањето на неговата улога од обичен корисник во креатор може да биде многу лесен и забавен процес. Во тој поглед, Scratch е една од најпопуларните алатки со докажана ефикасност.
Програмирање за деца со Scratch – што е тоа и зошто треба да се проба?
Програмирање за деца со Scratch – што е тоа и зошто треба да се проба?
Традиционалните програмски јазици се базираат на текст и се доста комплицирани. Scratch е визуелен јазик за деца. Иако детето програмира, не мора да се грижи дали заборава загради или запирки како што е случај со другите програмски јазици.
Програмерите кои го дизајнирале Scratch специјално го намениле за деца од 7 до 14 годишна возраст, но сепак, и помали деца може да го испробаат.
Најдоброто нешто во врска со со Scratch е самата едноставност. Детето не мора да биде математички генијалец и нема потреба од претходно знаење. Тоа ќе ги развива сите програмски вештини преку игра. Точно, играта е клучна компонента на Scratch бидејќи сите делови од кодот изгледаат како градежни блокови. На тој начин, програмирањето е забавно, но сепак едукативно.
Scratch е совршена опција за млади ученици, но исто така ја користат и постари програмери. Од студенти до истражувачи, Scratch стана клучна платформа за развивање разни интерактивни проекти. Кој знае, можеби еден ден хобито на твоето дете ќе те инспирира и тебе да започнеш со програмирање.
Еве ги главните предности на програмирањето со Scratch:
- Детето учи како функционира технологијата – од корисник до креатор
- Ја зајакнува својата креативност и имплементира нови идеи
- Развива основни вештини за менаџирање со проекти и тимска работа
- Учи да програмира на забавен начин
Со помош на Scratch, децата брзо ќе ги учат основните концепти на програмирањето. Движејќи се од еден на друг проект, детето ќе создава се посложени анимации и игри. Ќе учи од сопствените грешки, ќе добива совети и инспирација од други и ќе наоѓа нови алатки кои ќе ги употреби во наредниот проект.
Програмирањето отвора цел свет на можности за твоето дете. Вештините кои ќе ги стекне со помош на Scratch ќе му користат не само за градење кариера во областа на технологијата, туку и како пoткрепа на многу други професионални амбиции.
Меѓу тие вештини спаѓаат и:
- Разбирање на процесот на создавање проекти
- Експериментирање со нови идеи
- Решавање проблеми и поправање грешки
- Подобрување на проекти врз основа на надворешни препораки
- Соработка за подобри резултати
- Донесување логички заклучоци и одлуки
- Станување видео блогер преку туторијали на Scratch
Без разлика какви се неговите интереси, Scratch ќе му помогне да ги изрази. Можеби ќе ја создаде најпопуларната игра на своето време. Scratch ќе му го даде потребното знаење за дизајнирање едноставни, но забавни игри и нивно споделување со светот. Интерфејсот е лесен за корисниците, брзиот процес на учење и бескрајните можности за самоизразување го прават Scratch најдобра опција за млади ученици.
Опциите со Scratch се бесконечни, а правењето игри е само една од нив. Младите програмери можат стекнатите вештини да ги користат и за рекреирање на постоечки игри, а откако ќе ги совладаат основите може да се насочат и кон создавање квизови и загатки, трки, лавиринти и многу повеќе. Има толку многу идеи кои може да се истражат!
Во зависност од преференциите, Scratch нуди можност за додавање контроли во игрите по ваш избор. Можеби детето ќе сака да интегрира аудио или видео примероци, да користи постоечки херои или места. Секоја идеја може да ја најде својата реализација на Scratch.
Чекор по чекор наједноставните идеи добиваат приказна, ликови и наратив. Децата се учат да ги тестираат и да ги подобруваат сопствените проекти. А гледајќи како нивните идеи оживуваат на екранот ќе го поттикне нивниот раст како креативни мислители.
Нашите академии за програмирање за деца на различни возрасти продолжуваат со почетокот на училишната година. Контактирајте не за повеќе информации.
Други статии:
Андреј е вистинска легенда, а на вистинските легенди не им треба храна и вода, само добро друштво и добра забава. 1.Што ќе им препорачаш на твоите дома? Да ве... 10 Jan.
Андреј, злато од дете, кога го викнавме на кафе и интервју веднаш го запали моторот и дојде. Само му фалат патики со лепенки за да не касни. 1.Што ќе им препорача... 03 Jan.
Дориа за 10 години ИЛИ ќе биде најјакиот програмер во светот ИЛИ ќе отвори ресторан. Ама како и да е, телефон од дома мора да и купат. 1.Што ќе им препорачаш... 21 Nov.
