Добро ве најдовме! SKillUp е тука.

После неколкумесечна напорна работа во позадина, денес е денот кога официјално го објавуваме нашиот старт.

SkillUp е првиот центар за едукација кој е основан од тим со долгогодишно работно искуство во програмирање, менаџмент и маркетинг и неодамна започна со работа како прв од ваков вид во Велес

Целта на започнување на SkillUp центарот за едукација е да го пренесеме нашето знаење и искуство на секој кој сака да го надогради своето знаење или смени кариера во областа на програмирање, маркетинг и графички дизајн

Освен техничкото знаење, со секој час сакаме на нашите студенти да им ги пренесеме културата, работната етика и современите методологии, како и се она што се очекува од вработените во врвните компании.

Заопчнавме во Октомври 2019, со нашата прва академија за Front End програмирање и нашите први 8 студенти, на кои што сме бескрајно горди!

2020 ја започнуваме со две академии: Front End и Back End програмирање. Двете се со траење од 5 месеци. Во втората половина на 2020 ќе се одржи и академија за дигитален маркетинг и графички дизајн.

За разлика од академиите, курсевите ќе бидат кратки, и поинтензивни програми и ќе имаат цел да пренесат информации на одредена тема за да ги надоградиш своите знаења или истражиш одредена област. Како и академиите, курсевите ќе бидат во областа на ИТ, маркетинг и дизајн и ќе започнат во првата половина на 2020.

Она на што сме посебно горди е нашата академија за програмирање за деца, KidsUp. Овој вид на едукација за деца е единствен во Велес и околината, а наш предизвик е да поставиме високи стандарди со курсевите кои што се предвидени да започнат во февруари 2020 година. Нашата програма е креирана и прилагодена на забавен начин да ги доближи децата до програмирањето правејќи игри, анимации и интерактивни сценарија во платформата, која овозможува развивање на висок степен на креативност и аналитичкото размислување кај децата.

Како дел од нашите активности ќе бидат водење на овој блог на кој што ќе објавуваме едукативна содржина од областите во кои што сме специјализирани, ќе ве информираме за последните трендови во ИТ индустријата, ќе пишуваме за предизвиците при менување на кариера и придобивките од учење на програмирање, маркетинг и дизајн.

Нашиот блог е отворен за соработка со секој кој што е заинтересиран да допринесе со соджина соодветна на областите во кои што ние пишуваме. Доколку сакаш твојот пост да биде објавен на нашиот блог, пиши ни за твојата идеа на [email protected].

За сите вас кои што сте веќе искусни програмери, маркетери или дизајнери, слободно контактирајте не. Сакаме да ги слушнеме вашите препораки, и сме отворени за секаков вид на соработка.

Заследете не на Facebook страната на SkillUp за сите новости, како и дневна доза мотивација и едукација.