Колку време е потребно да научите да програмирате?

Многу фактори влијаат кога се разгледува прашањето: „колку време е потребно да научите да програмирате?“ Некои луѓе учат побрзо од другите, а некои едноставно користат подобри ресурси кои го забрзуваат нивниот процес на учење. Поголемиот дел од времето, вие самите сте директно одговорни за тоа колку време ви е потребно. Колку повеќе вложувате во процесот, толку побрзо ќе ги разберете основните правила и процедури што треба да ги знаете.

Со оглед на тоа дека сите имаме определено време кое можеме да го посветиме на учење и различни цели со кои пристапуваме на оваа тематика постојат неколку типа на ученици и ќе разгледаме колку време му е потребно на секој тип.

Кариерист

Оние кои сакаат да напредуваат во кариерата учат да програмираат бидејќи знаат дека тоа ќе им помогне да ја завршат својата работа подобро. Тие веќе знаат од каде треба да започнат, а тоа значи дека можат да се фокусираат на учење на она што треба да го знаат за одредена задача.

Тешко е да се прецизира точната временска рамка, но за оваа категорија на ученици, добра проценка е околу една година.

Хобист

Тие не брзаат и не се потполно сигурни што треба да научат, па затоа пробуваат нови работи. На овој тип ученик ќе му треба најдолго време да научи да програмира, но тоа е во ред затоа што тие се приближуваат кон задачата како хоби или долгорочна цел. За овие ученици, веројатно ќе бидат потребни неколку години за да научат да програмираат.

Програмер

Последниот тип на ученици се луѓе кои сакаат оваа професија да е нивна кариера. Тие се фокусирани и ја вложуваат целосно својата енергија кон решавање на задачата. Колку поконзистентно работат на своите вештини и колку повеќе енергија вложуваат во нивната пракса, толку побрзо ќе научат да програмираат. За овој тип на личности потребно е помалку од една година за постигнување на нивната цел – промена на нивната кариера во програмирање.

Без оглед на тоа каков тип на ученик сте, треба да поставите неделна временска рамка за учење. Наша препорака е да посветувате помеѓу 5 и 15 часа неделно на оваа проблематика.