SkillUp супер херои: Матеја од академијата за Web Design!

Суперхерој на денот: Матеја Николова.
Дипломиран веб дизајнер во skillup.

Покрај програмер, Матеја Николова е клавиристка во ООМУ “Стефан Гајдов” и диџеј по дома. Ужива да им прави журки со квалитетна музика на комшиите.
Матеја, де намали малку музиката да направиме интервју.

1.Како си?

Супер.

2. Која е Матеја?

Јас сум Матеја Николова. Имам 14 години и само што се ,,ослободив” од ООУ ,,Блаже Конески” и ООМУ ,,Стефан Гајдов” кадешто свирам клавир. Цела година тренинг на академијата за web design во skillup, и тазе прваче во ССОУ “Коле Неделковски” на смер ЕКТА се разбира :).

3.Што правиш кога не програмираш?

Ретко дома да се вратам, а кога веќе сум таму, им правам журка на комшиите. Секоја вечер ги мерам улиците со другарките, па штом се приберам, висам на телефон или гледам филмови и серии.

4.Како стаса да се запишеш на академија, како слушна за skillup?

Кога ја основавте академијата, мајка ми ме информираше и ме мотовираше да се запишам, но имав многу активности, па не бев во можност да ви се придружам. По пофалбите кој ги доби skill up од моите другари, следната година решив да се запишам и не згрешив. За една година научив многу, се забавував многу и се дружев многу.

5.И што ќе ни кажеш за академијата?

Академијата и менторите – БОМБА! Прва година на web design, со HTML и CSS. Интересно, полно со предизвици, решавање проблеми со менторот Влатче, фул забава и незаборавни часови. На Escape room без мака ја срушивме другата екипа, иако на Олимписките игри бевме вицешампиони. Но, сепак си поминавме одлично!

6. Кажи ни нешто за прокетот кој го направи?

Како за крај на година, сите имавме обвска да направиме наша веб страна, користејќи ги сите способности што ги стекнавме во skillup. Њујорк е мојот омилен град, па секако јас одлучив да направам проект за него и неговите убавини. Иако ни беше последно, за време на проектот ми беше многу забавно.